Lees ook: Israeliese organisasie dien verslag in by VN oor seksuele geweld deur Hamas
FLORIDA, VSA. – ‘n Jong meisie (7) is Dinsdag oorlede na ‘n diep gat wat sy en ‘n seun (8) op die strand gegrawe het op hulle ingesak het.
Die seun was tot by sy bors in die sand, maar die meisie was heeltemal onder die sand begrawe.
Dit is onbekend hoe lank die meisie in die sand begrawe was, maar sy het ophou asemhaal teen die tyd wat sy uitgehaal is. Sy is by ‘n hospitaal dood verklaar. Die seun is opgeneem, maar is stabiel.
Dit is nie duidelik of enige volwassenes die twee gehelp het om die gat te grawe nie. Die kinders se identiteit word weens hulle ouderdom weerhou. Dit is ook onbekend of hulle plaaslike inwoners of toeriste is.
Die polisie ondersoek die voorval.
Bronne: The Independent, New York Post, The Telegraph
Lees ook: Israeliese organisasie dien verslag in by VN oor seksuele geweld deur Hamas
