MPUMALANGA. – ‘n Jong vrou (19) is Vrydag gered toe sy ‘n oorstroomde brug wou oorsteek en deur die Nkomazirivier in Tonga meegesleur is.
Brig. Donald Mdhluli sê die vrou het die brug oor die rivier in vloed probeer oorsteek en is meegesleur, maar kon daarin slaag om aan riete in die middel van die rivier vas te klou. ‘n Weldoener wat die insident sien gebeur het, het die polisie ingelig, waarna die rolspelers geaktiveer is. ‘n Polisie-helikopter het ook met die reddingsoperasie gehelp.
Sy is deur die polisie, rampbestuur en ander nooddienste gered.
