OOS-KAAP. – Julius Malema en sy lyfwag, Adriaan Snyman, is vandag in die Oos-Londen-landdroshof vir die beslissing in die vuurwapensaak wat teen hulle gebring is.
Lees ook: Uitspraak in saak van Julius Malema en lyfwag voorbehou
Malema en Snyman is aangekla van die oortreding van die Vuurwapenbeheerwet, insluitend die onwettige besit van ‘n vuurwapen en ammunisie nadat Malema glo in 2018 by die EFF se vyfde bestaansjaarviering met ‘n vuurwapen naby ‘n skare geskiet het. Snyman word daarvan beskuldig dat hy die vuurwapen vir Malema gegee het.
Malema en Snyman het beide onskuldig gepleit en Malema het gesê dit was nie ‘n regte vuurwapen nie.
Landdros Twanet Olivier het gesê die beslissing gaan moontlik nie vandag gelewer word nie, maar dat ‘n besluit geneem sal word om óf na-ure of môre voort te gaan.
Bronne: EWN, IOL, SABC
Lees ook: Uitspraak in saak van Julius Malema en lyfwag voorbehou
