WES-KAAP. – ‘n Kaapse kobra is gistermiddag (Donderdag) op Danabaai se Tweede Strand in die Mosselbaai-omgewing opgemerk, gevang en daarna veilig vrygelaat.
Christian Stopforth van Drone Fanatics SA, ‘n bekende in fotografiekringe en die eerste persoon in die wêreld wat ‘n foto geneem het van ‘n orka wat ‘n grootwithaai doodmaak, het die plasing van die slang op sosiale media gemaak.
Stopforth het ‘n vriend, genaamd Slang Boere (Devon de Villiers) gebel, waarna hulle die slang gevang en weer vrygelaat het.
Hy waarsku ‘n mens moet oplettend in jou omgewing wees: “Die natuur is ongelooflik – kom ons respekteer dit!”
Kort daarna het hy nog ‘n foto geplaas waarmee hy sê: “Nog ‘n pragtige Kaapse kobra.”
Foto: Christian Stopforth
