KAAPSTAD, WES-KAAP. – Kaapstad Internasionale Lughawe is vir die negende agtereenvolgende jaar as die beste lughawe in Afrika aangewys.
Die toekenning word jaarliks deur Skytrax World Airline en die Airport Star Rating-program gemaak. Nog ’n toekenning vir die beste personeeldiens van ‘n lughawe het ook dié lughawe vir die vierde keer te beurt geval.
Volgens die Wes-Kaapse premier, Alan Winde, is dit ’n besondere prestasie juis omdat toerisme werksgeleenthede moontlik maak. Volgens hom is die lughawe ’n toegangspoort vir besoekers na die land en die provinsie en kan dit tot verdere ontwikkeling lei.
Hy het al die lughawepersoneel vir hulle harde werk bedank en sien die pryse as die gevolg van hulle toewyding.
Bronne: Western Cape Government, Premier Alan Winde Facebook
