LEES OOK: Chaos by Durban-hawe met ongeveer 71 000 opgehoopte houers
KAAPSTAD. – ’n Polisiebeampte is in Kaapstad in hegtenis geneem op aanklag van korrupsie en omdat hy na bewering ’n verdagte gehelp het om uit aanhouding te ontsnap. Die 26-jarige konstabel is verbonde aan die Belhar-polisiestasie.
Joseph Swartbooi, polisiewoordvoerder, sê ‘n verdagte is in hegtenis geneem op ‘n aanklag van bedrog. Terwyl hy in aanhouding was, is die verdagte na bewering deur die beampte genader, wat hom versoek het om R1 000 te betaal om hom te help ontsnap. Swartbooi sê die verdagte het ontsnap, maar is intussen weer in hegtenis geneem. “Na deeglike ondersoek is die saakdossier by die departement van openbare vervolging ingedien, waarna ‘n lasbrief vir inhegtenisneming uitgereik en behoorlik op Maandag 20 November 2023 uitgevoer is. Die SAPD-lid sal na verwagting vandag in die Bellville-landdroshof sy verskyning maak,” het Swartbooi gesê.
#Kaapstad #Polisie #Korrupsie #Afrikaans #Nuus #Newsfeed
Bronne gebruik: SABC Nuus; IOL.
