KAAPSTAD. – Kaapstad se direktoraat vir water en sanitasie het gewaarsku watertoevoer in sekere gebiede sal vanaf 14 Julie tot 16 Julie vir beplande onderhoud onderbreek word.
Lees ook: Biblioteekleiers voltooi opleidingsprogram op Wêrelddag vir Bibliotekarisse
Inwoners word herinner om as ’n voorsorgmaatreël water in skoon, geseëlde houers te stoor.
Die Glen Garry-reservoir sal afgesit word vanaf vandag (14 Julie) tot 15 Augustus vir skoonmaak en onderhoud. Die watertoevoer sal herlei word, maar met minder druk as gewoonlik.
Rehabilitasiewerk en die installasie van nuwe infrastruktuur sal in die Saxonsea- en Avondale-gebiede op 15 Julie uitgevoer word. Saxonsea, Avondale en Robinvale sal tussen 08:00 en 17:00 sonder water wees.
’n Kontrakteur sal die water in Bishopscourt in ‘n toetslopie van 10:00 tot 14:00 op 15 Julie afskakel as voorbereiding vir die water wat vanaf 09:00 tot 16:00 op 16 Julie afgesit gaan word. Die water sal afgesit word vir die installasie van ’n nuwe verbinding op die bestaande infrastruktuur. Inwoners in Kirstenboschweg, St Albanskeerweg en Riversidepad sal op albei dae sonder water wees.
Bronne: City of Cape Town
Lees ook: Biblioteekleiers voltooi opleidingsprogram op Wêrelddag vir Bibliotekarisse
