Kakamas ervaar ’n onderwyskrisis

Die Kakamas-gebied ervaar tans ‘n onderwyskrisis nadat busbestuurders leerlingvervoer weens wanbetaling gestaak het. Die Demokratiese Alliansie (DA) in die Noord-Kaap doen ‘n beroep op die LUR van Onderwys, Martha Bartlett, om dringend te sorg dat die diensverskaffers betaal word vir busdienste wat reeds gelewer is. Graad 1 tot matriek...

Foto: Irish Mirror

Die Kakamas-gebied ervaar tans ‘n onderwyskrisis nadat busbestuurders leerlingvervoer weens wanbetaling gestaak het.

Die Demokratiese Alliansie (DA) in die Noord-Kaap doen ‘n beroep op die LUR van Onderwys, Martha Bartlett, om dringend te sorg dat die diensverskaffers betaal word vir busdienste wat reeds gelewer is.

Graad 1 tot matriek word benadeel

Volgens die persverklaring word omtrent 2 200 kinders in en om die Kakamas-area, wat wissel van graad 1 tot matriek benadeel deur die staking wat vroeër hierdie week begin het. Hierdie leerders maak staat op ongeveer 40 skoolbusse om hulle skool toe te vervoer.
Dieselfde leerlinge, insluitende ‘n aantal matrikulante, kon reeds in die eerste kwartaal vir vier weke nie skool bywoon nie, weens ‘n soortgelyke scenario.

Aan die begin van die eerste kwartaal is hierdie busbestuurders slegs betaal vir Januarie. Daar is vir hulle gesệ dat die departement se geld opgeraak het. In effek het die busbestuurders dienste vir Februarie en Maart gelewer, sonder betaling van die departement. Hulle kan egter nie meer bekostig om voort te gaan met vervoerdienste nie, aangesien hul besighede hieronder ly.

Leë beloftes

“Dit is duidelik dat die departement van onderwys ‘n neiging het om diensverskaffers wat gekontrakteer is om leerders te vervoer, nie te betaal nie”, sê Andrew Louw, DA-premierskandidaat van die Noord-Kaap.
Louw bevestig ook dat daar vir die afgelope vyf jaar geen verandering in die tariefstruktuur was nie, ondanks leë beloftes aan busbestuurders. Dit is onbillik en onregverdig, aangesien dieselfde ANC-regering die oorsaak is van stygende petrolkoste wat ‘n direkte impak op busbestuurders het.
“Dit is duidelik dat die mislukte ANC-regering min gepla is oor die opvoeding van ons jeug. Hulle gee ook nie om dat besighede nie betaal word nie”, sê Louw.

Laura Wolvaardt teken meeste punte sover by ODI aan vir Proteas

Vandag is Wêreldkunsdag

Kan jy die naam van Bernice se volgende enkelsnit raai?

Man van Kroonstad sedert fratsvloede vermis

Boulders Beach tweede beste strand ter wêreld

Man verdrink op Saldanhabaai

Dink mooi voordat jy ’n onderwyser word

Christine van OME! deel verlowingsvideo

Voetgangers sterf toe voertuig in hulle inploeg

KYK: Dirk van der Westhuizen se hartroerende besoek aan kankerpasiënt

AfriForum sal help met eerste dagvaardiging vir uitstaande e-tolgelde