KAKAMAS, NOORD-KAAP. – Hoërskool Martin Oosthuizen op Kakamas het Donderdag 15 Februarie ’n nuwe gelukbringer gekry. Martie Oosthuizen, ’n witkop-dorperooitjie afkomstig van Pofadder, is wees gelaat en in die skool se sorg geplaas.
Volgens die skool gaan sy saam met die leerders grootword en klasdraf. “Sy is ’n onmiddellike gunsteling wat almal se dag ophelder met haar sagte vel en uitbundige blêr wat deur die skool se gange weergalm.”
Nadat sy Donderdag ingeklok het, is haar naam in die HMO-familieboek geskryf. “KLK sal in al haar voedingsbehoeftes voorsien om te verseker dat sy ’n gesonde skoolskaap word.”
Martie kan ook op Instagram gevolg word.
Bronne: Hoërskool Martin Oosthuizen, Gemsbok
