Lees ook: Leier van Kenia-kultus in hof na meer as 400 van honger sterf
KENIA. – ’n Getuie wat lid van die Keniaanse kultus, The Good News International Church was, het getuig die leier, Paul Mackenzie, het sy volgelinge beveel om hulself uit te honger, maar het sy eie kinders laat eet.
Paul Mackenzie het sy volgelinge beveel om eers hulle kinders uit te honger en dan volwassenes. ’n Getuie (17) het gesê Mackenzie het Januarie 2023 sy volgelinge beveel om te vas. Sy het gesê sy het ses kinders van een gesin sien doodgaan, maar sy kinders kon eet.
Die getuie, slegs bekend as JCK, het gesê Mackenzie het hulle beveel om te vas sonder onderbreking, sonder water en sonder om te stort, tot hulle doodgaan.
Mackenzie het vir sy volgelinge gesê hulle sal vinniger hemel toe gaan en Jesus ontmoet as hulle van die honger sterf.
McKenzie en nog 94 lede van sy kultus word aangekla van manslag na meer as 400 mense, insluitend kinders, gesterf het.
Hy word ook van moord en die mishandeling van kinders in twee ander howe aangekla. McKenzie het onskuldig gepleit.
Die verhoor gaan voort.
Bronne: The Telegraph, Yahoo, ABC News
Lees ook: Leier van Kenia-kultus in hof na meer as 400 van honger sterf
