Ketelmaker dood by Impala-myn in Rustenburg

Lees ook :

Een dood by Impala-myn in Rustenburg. Foto: Implats

RUSTENBURG, NOORWES. – ’n Ketelmaker (27) is Maandagoggend dood by die Impala-platinummyn (Implats) in Rustenburg.

Die man is omstreeks 8:25 by Skag 12 noodlottig beseer tydens ’n ongeluk wat ’n vervoerband behels het. Volgens berigte het hy ten tyde van die ongeluk op die leirolle van die vervoerband gewerk.

’n Ondersoek na die ongeluk sal deur inspekteurs by die myn gedoen word.

In November 2023 was daar ’n insident by dieselfde myn waartydens 11 werkers gesterf het toe ’n hysbak geval het.

Bronne: Implats, Mining Technology