KIMBERLEY. – Die watertoevoer sal vir ’n paar ure vanaand aan wees.
Sello Matsie, woordvoerder van die Sol Plaatje-munisipaliteit, sê hulle het nou begin met die toevoer vanaf die Newton reservoir vir die hoogliggende gebiede wat sedert gister sonder water was. “Die watertoevoer sal tot 19:00 vanaand aan wees.
“Alle inwoners moet asseblief sorg dat hulle voldoende water het. Hospitale en gastehuise, sakeondernemings en winkelsentrums moet seker maak dat hulle voldoende voorsiening maak. Die brandweer kan nie help nie, behalwe in noodgevalle.”
Hy sê by die Riverton-suiweringsaanleg het hulle voortgegaan om ‘n nuwe Y-aansluitingspyp aan die nuwe pompstasie te installeer, wat die toekomstige verskaffer van die 600 mm-pyp is. “Die sweiswerk van die Y-verbinding sal voortgaan totdat dit behoorlik geïnstalleer is. Sodra dit klaar is, begin ons die bykomende pyp van 600 mm. Ons het bedoel om die Y-verbinding te beveilig, maar onder die omstandighede het ons eerder met die installasie voortgegaan.”
Galeshewe en Roodepan sal lae druk of geen water hê nie, maar ons vra asseblief vir julle samewerking, sê hy.
