NOORD-KAAP. – Die Kimberley-polisie is besig met ‘n ondersoek na ‘n huisroof wat Sondagoggend in West End plaasgevind het, waar ‘n gesin oorval en beroof is.
Lt.kol. Sergio Kock sê die voorval het omstreeks 04:00 gebeur toe vier vermomde mans die huis van ‘n man (53), sy vrou (51) en hul seun (14) betree het. Die verdagtes het die gesin glo met ‘n vuurwapen gedreig en hulle vasgebind.
“Hulle het daarna van die toneel gevlug met verskeie items wat aan die slagoffers behoort.”
Die ondersoek duur voort.
Enigiemand met inligting oor die vermeende verdagtes of die voorval kan speur.AO Thabang Kamolane by 082 302 0407 bel. Inligting sal vertroulik hanteer word.
