Charles Peter Mathewson (24) het die afgelope naweek ‘n brons medalje by die Bowls South Africa Masters Singles-kampioenskap by Wingate Park Bowling Club in Pretoria verower.
Slegs 12 van die beste rolbalspelers regoor die land is genooi om aan die junior O/30 toernooi deel te neem.
Mathewson speel al vir die afgelope 18 jaar rolbal en probeer om drie tot vyf keer ‘n week te oefen.
Buiten die naweek se prestasie het hy ook al die SA mix spares en die O/30 nasionale kampioenskappe gewen. Hy is ook gekies om in Maart die junior Springbok-span in Hong Kong te gaan verteenwoordig.
