KWAZULU-NATAL. – ‘n Kind wat Saterdagmiddag vasgekeer is toe ‘n sandbank in die Glenhills-gebied in Durban-Noord meegegee het, is dood verklaar. Nog ‘n kind was in ‘n kritieke toestand en moes mediese hulp ontvang.
KZN VIP Protection Service sê dié diens en verskeie ander nooddienste het hulle ná berigte van die ineenstorting na die toneel gehaas. Met aankoms is gevind die sandbank het meegegee en twee minderjarige kinders is vasgekeer. Een van die kinders is betyds uit die sand bevry en in kritieke toestand na ’n nabygeleë hospitaal vervoer.
Ná verskeie ure van soek- en reddingspogings is die tweede kind opgespoor. Die kind het geen tekens van lewe getoon nie en is op die toneel dood verklaar.
Die voorval word tans ondersoek.
Het jy kommentaar oor die berig? Jy kan nou aan Nuusflits lesersbriewe skryf en dalk word joune gepubliseer. Rig jou brief aan die redakteur by nuus@nuusflits.com
