KWAZULU-NATAL. – ‘n Kleutermeisie (3) het Woensdag, nadat sy saam met haar ma gaan stap het, in die Westbrook-omgewing vermis geraak.
Samantha Meyrick van IPSS Search and Rescue sê dié diens in Tongaat is omstreeks 10:30 van die vermiste kleuter ingelig. Lede het saam met Mobi-Claw911, Tongaat-polisie en Umhlali-polisie se K9-soek-en-reddingseenheid na die gebied gegaan om na die kleuter te soek.
Die kleuter is binne ‘n uur ‘n taamlike afstand weg van waar sy laas gesien is, gevind. IPSS Medical Rescue het die kleuter medies ondersoek, waarna sy aan haar ma terugbesorg is.
Westbrook-diensstasie wat die ma met die aanmelding gehelp het, is bedank.
