WES-KAAP. – ‘n Kleuterseun (4) is Maandag omstreeks 12:30 in Manenberg, onderweg na ‘n speelpark, in kruisvuur in die been geskiet.
Kapt. Frederick van Wyk sê aan Nuusflits die seun en sy pa het saam na die speelpark in Gamkastraat gestap. Skote is gehoor en die seun en sy pa het na veiligheid gehardloop, waar daar ontdek is die kleuterseun is deur ‘n dwaalkoeël in die linkerbeen getref. Die kleuter is vir mediese behandeling na ‘n nabygeleë fasiliteit geneem.
Die verdagtes het te voet van die toneel gevlug.
‘n Saak van poging tot moord word ondersoek en die polisie vra enigiemand met relevante inligting om die Manenberg-polisie by 021 699 9400 te bel.
