KWAZULU-NATAL. – ‘n Kleuterseun (3) is Sondag van verdrinking in Umzumbu deur lewensredders uit die water gered, waarna hy suurstof gekry het.
Med Evac Ambulance sê dié diens is uitgeroep na die amper-verdrinking. Met aankoms op die toneel was die seun na ‘n onbekende tyd in die water in ‘n kritieke toestand. Paramedici het oorgeneem en intervensie toegepas, waarna hy gestabiliseer en vir verdere mediese versorging na ‘n fasiliteit vervoer is.
Die vinnige reaksie van mense op die toneel is geprys, aangesien dit moontlik die kleuterseun se lewe gered het.
