Deesdae is ongelukke en misdaad volop in die nuus. Dit is dus verfrissend om te sien hoe humor in slegte situasies gevind word. Kobus Wiese, rugbykommentator, het ’n foto van ongeluk gebruik om gek te skeer.
Wiese het ’n foto van ’n minibustaxi wat teen ‘n verkeerslig gebots het, op sy Twitter-blad gelaai met die woorde: “Hier sien ons ’n baie seldsame gebeurtenis! ’n Minibustaxi wat by ’n verkeerslig stop!”
Een aanhanger lewer kommentaar wat sê: “Gelukkig is daar ’n foto, anders was jou geloofwaardigheid tot niet!”
Vir ’n ander gebruiker is dit ongelooflik. “Wonderwerke gebeur nog.”
Dit is nie duidelik wanneer of waar die ongeluk plaasgevind het nie.
Bron: Kobus Wiese Twitter-blad
