KAAPSTAD, WES-KAAP. – Die nie-regeringsorganisasie, Gun Free South Africa, het ’n voorlegging vir ’n speelpark wat koeëlbestand sal wees vir Beacon Valley voorgelê.
Hulle het dit in reaksie op die hoë misdaadsyfer op die Kaapse Vlakte en die groot hoeveelheid kinders wat onskuldig tydens bendegeweld sterf, gedoen.
Die speelpark se voorgestelde grootte is 20 m by 20 m en sal glyplanke en oop areas vír speel en hardloop hê.
Volgens Adele Kirsten, direkteur van GFSA, sal die park 24 kinders kan bevat en sal daar ’n paniekknoppie en konstante waarneming wees. Sy sê die organisasie is tans in die produksiefase vir die ontwikkeling van koeëlvaste baadjies vir kinders.
Kirsten noem dat sy hoop dat dit nooit werklik nodig vir so ‘n park sal wees nie, aangesien kinders vrylik behoort te kan beweeg.
GFSA en Cape Flats Safety Forum werk saam aan die konsep. Die voorstel is tans in die kosteberekeningsfase.
Bronne: IOL, Good Things Guy, Plainsman
