LIMPOPO. – Bewerings van buitelanders wat saam met Suid-Afrikaners werk om mense vir hulle liggaamsdele te vermoor, is deur lt.genl. Thembi Hadebe, die provinsiale kommissaris, verwerp.
Brig. Hlulani Mashaba sê die vals bewerings is blykbaar op sosialemediaplatforms gedeel. Daar word beweer georganiseerde misdadige roofvoertuie nader enige huis met die doel om hulp te soek, waarna die inwoners se liggaamsdele, terwyl hulle nog lewe, verwyder word.
Hadebe veroordeel die verspreiding van die vals nuus: ““Een van ons grootste bedreigings op die oomblik is fopnuus. Ons veroordeel die verspreiding van vals nuus, ongeverifieerde inligting, gerugte of dreigemente ten sterkste, aangesien dit paniek en verwarring wil veroorsaak en in sommige gevalle moontlike geweld aanhits. Ons doen ‘n beroep op die lede van die publiek om eers feite na te gaan voordat hulle iets op sosialemediaplatforms deel. Diegene wat sulke boodskappe deel, sal dienooreenkomstig aangekla word. Ons doen dus ‘n beroep op vinnige aanmelding van hierdie voorvalle om te verseker dat wetstoepassing sulke kwessies kan hanteer.”
