KWAZULU-NATAL. – Koper ter waarde van R20 m. is Woensdag by ‘n skrootwerf in Martinrylaan in Queensburgh ontdek.
Kol. Robert Netshiunda sê die polisie het inligting ingewin oor onwettige aktiwiteite by die skrootwerf. ‘n Operasie is deur openbare-orde-polisiëring (OOP) en die Valke geloods en die gesteelde koper is teruggevind.
“Amptenare van die eThekwini-munispaliteit het bevestig ‘n groot gedeelte van die koper wat teruggevind is, behoort aan die munisipaliteit.”
‘n Man (59), die bestuurder van die skrootwerf, is aangehou en sal aangekla word voordat hy in die hof verskyn.
