KWAZULU-NATAL. – ‘n Bejaarde man (79) en sy bejaarde vrou was vanoggend op die N3 naby Scottsville in ‘n ongeluk betrokke. Paramedici het resussitasie toegepas om die man se hart weer aan die gang te kry.
Mi7 National Group sê hulle nooddienste is vanoggend na ‘n ongelukstoneel ontbied waar twee bakkies aangetref is wat met mekaar gebots het. Een van die bakkies het omgeslaan, met ‘n bejaarde egpaar in die wrak vasgekeer. Die man het geen pols gehad nie, waarna paramedici volle resussitasie (KPR) toegepas het. Sy hartklop is teruggekry en hy is in ‘n kritieke toestand na ‘n hospitaal vervoer.
Die bejaarde vrou is uit die wrak gesny en is met matige beserings hospitaal toe geneem.
Kry jou nuutste nuus elke oggend per e-pos. Teken hier aan:
