Appel het sy tweede enkelsnit, Sterre, van sy komende kortspeler Genesis, bekendgestel.
“Sterre is ’n liefdeslied wat teruggryp na die begin van my en my vrou se verhaal. Sy het in die stad gebly en ek op die plaas. Die kilometers tussen ons was lank, maar die hemel was dieselfde. Wanneer ons verlang het, het ons eenvoudig opgekyk, na daardie selfde sterre en geweet ons is tog naby,” sê Appel.
Fanie Nel van die Coleske Groep sê Appel beskryf die lied as ’n huldeblyk aan jong liefde en eenvoudige plaasherinneringe. “Dit is juis daardie eenvoudige goed wat ’n mens se liefde anker en jou herinner dat al is jy ver van mekaar, die hemelruim altyd ’n brug bly,” sluit Appel af.
Sterre kan hier op alle stroomdienste gekry word.
Nel bevestig Genesis sal vanaf 5 September op alle stroomdienste beskikbaar wees.
