Suid-Afrikaners het hul vroeg Saterdagoggend reeds na sosiale media gehaas om te hoor of ander ook die sogenaamde rooi ligte deur die nag in die hemelruim gesien het.
Dit is vinnig bevestig. Die Aurora Australis, ook bekend as die Suidelike ligte, het die donker nag met skakerings van blou, pers, groen en rooi gevul.
Volgens die Suid-Afrikaanse Nasionele Ruimteagentskap is dit as gevolg van ’n geomagnetiese storm wat deur intense sonvlamme plaasvind. Die son se vlamme is dus meer intens en beïnvloed die magnetiese velde rondom die aarde, wat dan die verskillende skakerings veroorsaak.
Fotograaf Albertus Horn het die verskynsel net na middernag Saterdagoggend op Bretby in die Kuruman-distrik afgeneem. “Dit het begin met ’n gloei en toe word dit rooi pilare wat dans.”
Die verskynsel is ook in onder andere Kleinbaai, Bloemfontein, en Oudtshoorn waargeneem.
Albertus Horn het die volgende foto’s geplaas:
Fox Weather het ’n video-samestelling gemaak:
Bronne: Albertus Horn Facebook, Reënval in SA, Fox Weather, TikTok, SA Nasionale Ruimteagentskap
