WAARSKUWING! Nie vir sensitiewe lesers nie!
NOORD-KAAP. – Nuusflits het ‘n video-opname ontvang van ‘n koedoe wat tussen Barkly-Wes en Tentrumdeur deur ‘n Toyota-bakkie se dak gespring het.
Kol. Cherelle Ehlers, woordvoerder vir die provinsie, sê Barkly-Wes-polisie ondersoek ‘n saak van roekelose en nalatige bestuur. ‘n Toyota Hilux-bakkie het Sondag teen ‘n koedoe, ongeveer 10 km buite Barkly-Wes vasgery.
Met die polisie se aankoms op die toneel was die bestuurder en die passasier van die bakkie reeds vir mediese behandeling na ‘n hospitaal in Kimberley geneem.
Die koedoe is in die bakkie gevind.
Die ondersoek duur voort.
