(Waarskuwing: beeldmateriaal kan sensitiewe kykers ontstel)
SUID-AFRIKA. – Verskeie video’s doen die rondte van ’n groep mans wat met wapens in ’n woonbuurt losbrand. Sommige sosialemediagebruikers beweer dit is in die Wes-Kaap.
In die video’s kan gesien word hoe mans rondtes in die lug afvuur. Inwoners stap op die oog af ongestoord verby terwyl die mans laggend rondspring. Dit is na bewering bendelede wat die gewere rondswaai.
Menige inwoner van Kaapstad en omliggende gebiede het kommentaar gelewer waarin hulle benadruk hoe gevaarlik dit in areas soos Joe Slovo en Khayelitsha raak. Of die aandadiges verantwoordelik vir hulle aksies gehou gaan word, is ook ’n gesprekspunt onder gebruikers.
Geen verdere inligting is oor die video’s beskikbaar nie.
Bronne: Goolam, Twitter
