KWAZULU-NATAL. – ‘n Bul is Maandagmiddag uit ‘n puttoilet in Redcliffe gered voordat hy kon verdrink.
Reaction Unit South Africa sê beamptes het ongeveer 15:00 op die bul in die penarie afgekom. Die dier het saam met nog ander beeste gewei en toe in die puttoilet geklim, wat onder sy gewig meegegee het.
‘n Poging is aangewend om die bul met behulp van toue om die horings uit te trek, voordat hy kon verdrink.
Rusa sê dit het ongeveer 30 minute geneem om hom sonder beserings uit die puttoilet te kry.
Die veewagter kon nie opgespoor word nie.
Foto: Reaction Unit South Africa
