WES-KAAP. – Die Peace Ark, ook bekend as die Daishan Dao, ‘n Chinese hospitaalskip, is in die Wes-Kaap verwelkom.
Die skip en sy gesondheidsdienste vorm deel van ‘n gesamentlike nasionale en interdepartementele oefening tussen die Volksrepubliek China en die Republiek van Suid-Afrika, in samewerking met die Wes-Kaapse departement van gesondheid.
Die skip sal tot 28 Augustus beskikbaar wees om gratis mediese dienste aan veral weerlose persone te bied.
Die Suid-Afrikaanse Militêre Gesondheidsdiens sê meer as 1 300 persone van verskeie skuilings, asook ander lede van die publiek, is reeds op die skip, wat in die V&A Waterfront lê, behandel.
Dr. Lesiba Ledwaba sê aan EWN Mitchells Plain-, asook Paarl- en Somerset-hospitale is besoek waar verskeie operasies en skanderings gedoen is.
Lees meer oor die merkwaardige skip hier.
