SUID-AFRIKA. – Kykers kan uitsien na die vrystelling van die rolprent Die tragiese saak van Pamina Vermaak wat op 10 Februarie op DSTV BoxOffice te sien sal wees.
Die rolprent is gebaseer op Annie Klopper se roman wat in 2018 vrygestel is. Dis tydens kykNET se Silwerskermfees in September 2023 vertoon.
Die tragiese saak van Pamina Vermaak word as ’n romantiese komedie beskryf. Pamina is ’n werklose joernalis wat deur omstandighede terug na haar geboortedorp gedwing word. Daar word sy gedwing om vrede met haarself en die verlede te maak.
Bibi Slippers het die roman selfs as ’n moderne weergawe van Griet skryf ’n sprokie beskryf.
Die rolverdeling sluit Carla Smith, Christiaan Schoombie, Anna-Mart van der Merwe, Lee-Ann van Rooi, Albertus Pretorius en Duane Williams in.
Die lokprent is reeds vrygestel:
Bronne: DSTV, kykNET, Happenings South Africa, LitNet
