GAUTENG. – Drie verdagtes is Woensdagmiddag tydens ‘n transitorooftog op die Soutpanpad in Soshanguve, noord van Pretoria, doodgeskiet. ‘n Manlike omstander wat in die kruisvuur beland het, het ook gesterf. Nog agt verdagtes is gearresteer.
Kol. Dimakatso Nevhuhulwi het aan Nuuslifts bevestig ‘n kontantwa is op die pad ingekeer om te ry en deur gewapende verdagtes aangeval en opgeblaas. Die taktiese reaksiespan (TRT) van die polisie het opgedaag toe die verdagtes met ‘n onbekende bedrag kontant van die toneel wou vlug en ‘n jaagtog het ontstaan. Die verdagtes het op die polisie losgebrand en die polisie het teruggeskiet. Drie verdagtes en ‘n lid van die publiek is noodlottig getref. Twee polisielede wat skietwonde opgedoen het, is vir mediese hulp in ‘n hospitaal opgeneem.
Nevhuhulwi bevestig die polisie het vier vuurwapens en vier voertuie wat volgens vermoede tydens die pleeg van die misdaad gebruik is, gekonfiskeer.
Die ondersoek duur voort.
Het jy kommentaar oor die berig? Jy kan nou aan Nuusflits lesersbriewe skryf en dalk word joune gepubliseer. Rig jou brief aan die redakteur by [email protected]
