Waarskuwing: Kru taal!
‘n Video van ‘n dronkbestuurder, duidelik ‘n gevaar op die pad, is afgeneem toe hy in Bela-Bela in Limpopo gery het. Die video is deur Arrive Alive op sosiale media gedeel.
Regdeur die video ry die kar meer op die kant van die pad en in die veld as wat hy op die teerpad ry.
Daar is ‘n paar benoude oomblikke met voertuie wat van voor kom en een wat moes stop en terugstoot om nie getref te word nie.
Die persoon wat die video geneem het, sê dit is 08:00 in die oggend en hy het in ‘n stadium gedink dit is beter indien die voertuig ‘n boom tref, om dit tot stilstand te bring.
Verbasend tref die persoon niks terwyl die video geneem is nie.
Bronne: Arrive Alive en Afrikaners Facebook-bladsye, Tik Tok @winniehulleyjoube
