DUBAI, UAE. – Hewige donderstorms het Dubai Dinsdag getref wat gelei het tot grootskaalse oorstromings. Dubai- internasionale lughawe is een van die areas wat onbegaanbaar was.
Nagenoeg 20 mm reën het laat Maandag oor die gebied uitgesak. Teen Dinsdagaand het 142 mm reën en hael binne 24 uur in die stad geval.
Skole is vir Woensdag gesluit en die meeste werkers het van die huis af gewerk.
Volgens hulle nasionale meteorologiese sentrum is dit die meeste reën wat binne 24 uur uitgesak het in die afgelope 75 jaar. Bespiegelinge oor kunsmatige reënvalprosesse waarmee Dubai eksperimenteer doen die rondte.
Die volgende beeldmateriaal is op sosiale media gedeel:
Bronne: AP, NY Times, X, SkyNews, The Sun
