Dr. At Putter (90) het die Voet van Afrika-marathon op 21 September voltooi. Sandra Viljoen was byderhand om ‘n gedeelte van die prestasie op video vas te lê.
Putter het die marathon met sy kierie en bottel water met sukses afgelê.
Yolandi van Heerden het die volgende van die vasberade deelnemer gesê: “Tree vir tree ‘n inspirasie. En dan is oom At nederig en nog ‘n ware gentleman daarby. Dankie aan almal wat hom kom aanmoedig het tot oor die wenstreep. Spesiale dankie aan die Nooddienste en Bredasdorp Spar se span wat hom so kleurvol begelei het.”
Putter spog reeds met 98 parkruns.
