’n Video word tans op sosiale media versprei van ’n man wat op sy selfoon besig is terwyl hy bestuur.
In die video kan gesien word hoe die man af en toe in die pad voor hom kyk terwyl sy eintlike konsentrasie by sy foon is. Die voertuig en werker is deel van ’n landswye koeriermaatskappy in Suid-Afrika.
Die gevolg van sy aksies is ’n ongeluk, waar hy teen ’n vloedbeheertonnel bots.
Verskeie gebruikers het die video gedeel met waarskuwings oor selfoongebruik wanneer jy bestuur.
Dit is nie duidelik waar die ongeluk plaasgevind het nie, maar die datum word as 23 April 2024 op die beeldmateriaal aangedui.
Bron: X
