Lees ook hier: https://nuusflits.com/twee-verdagtes-in-hof-na-kerkroof/
Video: Yusuf Abramjee
OOS-KAAP. – Skoliere, ouers en personeel van ‘n skool is Vrydagmiddag omstreeks 13:00 op ‘n kerkperseel in Mhlangastraat, NU12 in Motherwell tydens ‘n prysuitdeling deur gewapendes beroof.
Kapt. André Beetge sê aan Nuusflits vier gewapende verdagtes het die perseel betree, twee skote na die plafon van die gebou geskiet en waardevolle items van die aanwesiges geëis.
Die verdagtes het met 30 selfone in ‘n VW Polo en ‘n VW Tiguan, wat hulle ook tydens die rooftog gebuit het, gevlug. Beetge sê die voertuie is verder af in die straat gelos, maar die persoon wie se VW Polo dit is se skootrekenaar, selfoon en oudiovisuele toerusting is ook uit die voertuig gesteel.
Niemand het beserings opgedoen nie.
Motherwell-polisie ondersoek ‘n sakeroof.
