VRYSTAAT. – Die C&N Sekondêre Meisieskool Oranje het ‘n besonderse omgeestorie van hoop en ondersteuning gedeel van ‘n onderwyseres en haar leerling, wat slegs 10 persent sig het én ligsensitief is.
Mev. Mioné Marais het vir Terina Retief, ‘n gr. 8-leerling, gehelp om ten spyte van haar mediese toestand die Midmarmyl te voltooi. ‘n Video is Maandag deur die skool op sosiale media gedeel van hoe die onderwyseres op ‘n minsame manier haar leerling bygestaan het. Dit het wyd en syd reaksie ontlok.
“‘n Kosbare verhaal van onselfsugtigheid, kameraadskap, omgee en liefde het hom Sondag by die Midmarmyl tussen ‘n leerder en onderwyser afgespeel.”
In die video erken die onderwyseres haar leerling het vir haar ‘n ander perspektief van die Midmarmyl gegee.
