WES-KAAP. – Geordin Hill-Lewis, die burgemeester van Kaapstad, het Saterdagaand tydens die Afrikaans is 100 Jaar Groot-konsert spesiale eer aan Laurika Rauch, die legendariese sangeres, gebring. Hill-Lewis het grappendergewys gesê hy het nog nooit Afrikaans voor 50 000 mense gepraat nie.
Hill-Lewis het gesê dit is ’n voorreg om ’n kunstenaar te vier wat dekades lank met haar musiek ’n onuitwisbare merk op die Afrikaanse kultuurtoneel gelaat het. “Afrikaans is Groot is nie net ’n viering van musiek nie, maar ook van die kunstenaars wat ons taal en kultuur dra. Laurika Rauch is een van daardie ikone,” het hy gesê.
