GAUTENG. – Die EMPD (Ekurhuleni-metropolisiedepartement) het vanoggend chaos op paaie veroorsaak, veral hoofweë, wat in die gebied geblokkeer is. Motoriste is gemaan om van alternatiewe roetes gebruik te maak.
Nuusflits het kommentaar van EMPD gevra. Sosiale media wemel van beeldmateriaal oor die protesoptog in amptelike departementsvoertuie en protesgangers in volle uniform.
Kevin van der Mescht op die AfriForum Benoni-sosialemediablad sê die N12, R21, R24 en N17 is saam met ander roetes geraak.
Volgens EK FM 103.6 Newsroom is die beamptes besig met ‘n staking/ “go slow” oor oortyd wat minder gemaak is en is glo onderweg na Germiston om ‘n grief aan Nkosindiphile Xhakaza, die uitvoerende burgemeester van Ekurhuleni te oorhandig.
Maverick RadioOmroeper sê: “This is actually breaking the law by those who are supposed to enforce it. In South Africa, law enforcement, as an essential service, is prohibited from striking under the Labour Relations Act.”
@METROFMSA EMPD has closed all routes around ekurhuleni pic.twitter.com/PNbWqZNoyZ
— Gadifele (@EkurhParliament) March 19, 2025
