OOS-KAAP. – Yusuf Abramjee het ‘n video op sy X-profiel gedeel van ‘n Uber-bestuurder wat doodgeskiet is. Kapt. André Beetge sê daar was twee afsonderlike voorvalle waar persone in verskillende areas doodgeskiet is.
Na bewering is New Brighton-polisie Woensdag omstreeks 19:30 na ‘n skietvoorval in Avenue A. Bulelani Thwalo (35) se liggaam is op die toneel langs ‘n blou Suzuki Celerio gevind. Die oorledene het verskeie skietwonde opgedoen.
Die motief vir die moord en die omstandighede daarvan word ondersoek.
Beetge sê in die ander voorval is Ikamvelihle-polisie omstreeks 18:00 van ‘n liggaam in bosse langs Tamsanqastraat in Motherwell verwittig.
Lede van die publiek het die liggaam opgemerk. Met aankoms op die toneel is ‘n man op sy rug met ‘n kopwond, vermoedelik ‘n skietwond, gevind. Die motief vir die moord word deur Ikamvelihle-polisie ondersoek.
