KWAZULU-NATAL. – Namaakte goedere van ’n geraamde straatwaarde van R400 miljoen is Dinsdag by ’n vragdepot in Edwin Swales, suid van Durban, deur polisiebeamptes gevind.
Volgens kol. Robert Netshiunda het die polisie in ‘n roetine-vragprofilering op die goedere afgekom. Twee houers wat bedrieglik as meubels verklaar is, het nagemaakte ontwerperskleredrag, juweliersware en kombuisware bevat. Voorlopige ondersoeke dui aan dat die houers vanaf ‘n Asiatiese land Suid-Afrika binnegekom het en dat dit vir Alberton en sentraal-Johannesburg bestem was.
Ondersoeke is aan die gang om moontlike verdagtes te identifiseer wat vir die invoer van die nagemaakte goedere verantwoordelik is.
Het jy kommentaar oor die berig? Jy kan nou aan Nuusflits lesersbriewe skryf en dalk word joune gepubliseer. Rig jou brief aan die redakteur by nuus@nuusflits.com
