MPUMALANGA. – Woensdagoggend vroeg het ses olifante deur ‘n heining van die Kruger Nasionale Park gebreek.
Volgens Laevelder het SANParke en die toerisme-en-parkagentskap in die provinsie vir ure gewerk om die olifante veilig in die park terug te kry.
Lede van die plaaslike gemeenskappe van Bosbokrand en Hazyview is volgens beriggewing ontevrede, aangesien hulle glo die olifante moes van kant gemaak word om kos aan hulle families te voorsien.
Weens ‘n droë rivierbed kon die olifante deur ‘n gebreekte heining naby die Phabeni-hek gaan, wat reeds herstel en gemonitor word.
Bronne: Laevelder, Getaway Magazine en AFP
