Beeldmateriaal is onlangs vrygestel van ’n kameelperd wat staande in die Kruger Nasionale Park geboorte skenk. ‘n Pasgebore kameelperdkalf wys sy krag deur kort na sy geboorte al ’n paar treë te gee.
Johan van Zyl, wat die video geneem het, sê die hele geboorteproses het tussen 45 minute tot een uur geneem.
Volgens Latest Sightings help die entjie wat die pasgebore kameelperd na die grond val sodat hy kan begin asemhaal en bloedvloei kan begin.
Die besorgde ma het haar nuweling aangemoedig om op te staan. Na verskeie mislukte pogings het die kalf wel vanself opgestaan en begin loop.
Bronne: Latest Sightings, YouTube
