Video-opname soos ontvang, oorsprong onbekend
GAUTENG. – Die polisiebestuur in die provinsie is bekommerd oor ‘n video van rotte by Vosloorus-polisiestasie in Ekurhuleni wat op sosiale media versprei word.
“Die polisie dring aan daarop dat sosialemediagebruikers moet ophou om vals inligting te plaas.”
Brig. Brenda Muridili sê die plasing is vals en misleidend.
“Vosloorus-polisiestasie het nie ‘n probleem met knaagdiere nie.”
Muridili sê die stasie het ‘n jaarlikse instandhoudingsplan wat plaagbeheer insluit. Dit verseker polisielede se gesonde werksomgewing.
“Die SAPD doen dus ‘n beroep op sosialemediagebruikers om verantwoordelik te wees en hulle te weerhou daarvan om misleidende inhoud te plaas.”
Kry jou nuutste nuus elke oggend per e-pos. Teken hier aan:
