Die nasionale polisiekommissaris, genl. Fannie Masemola, het die R2 bn. wat begroot is vir meer as 4 000 beweerde onwettige inhegtenisnemings verduidelik. Hierdie bedrag dek 4 100 siviele eise vir die finansiële jaar 2023/2024.
Brig. Athlenda Mathe het bevestig dat die bedrag begroot is vir eise wat nog ondersoek word, en geen betalings is tot dusver gemaak nie. Die SAPD se regsafdeling ondersoek die meriete van elke eis om vas te stel of dit geregverdig is om uit te betaal of of die polisie die eis gaan verdedig.
“Dit is belangrik om daarop te let dat nie alle eise wat ontvang word volgens die aanvanklike litigasie uitbetaal word nie. Op grond van die aard van die polisie se werk is die SAPD grondwetlik verplig om arrestasies en aanhouding uit te voer en dit beteken nie noodwendig dat hierdie arrestasies onregmatig en onwettig is nie,” volgens genl. Masemola.
Hy het verder verduidelik dat die SAPD ‘n projek geïmplementeer het om siviele eise te bestuur, wat inspeksies, bewusmaking en opleiding insluit om sulke eise te voorkom en te verminder.
