Laerskool Constantiapark in die ooste van Pretoria is Maandagaand behoorlik verras toe Steve Hofmeyr tydens ‘n revuevertoning onverwags op die verhoog verskyn het. Die Rooikatte het ‘n Hofmeyr-treffer gesing, waartydens die sanger agter hulle op die verhoog verskyn het.
Sy verskyning het die gehoor se asems weggeslaan en is beskryf as die “verrassing van verrassings.”
Die skool sê in ‘n sosialemediaplasing “En daar staan hy skielik op die verhoog…STEVE HOFMEYR self en slaan almal se asems weg! Díé VERRASSING van VERRASSINGS! …Steve het gehoor die Rooikatte sing ‘n Steve-treffer en kom sing toe onverwags saam!”
