Die aktrise Lizz Meiring het ter viering van Afrikaans se 99ste bestaansjaar ’n geselsvideo op haar sosialemediabladsye gedeel.
Volgens haar is Afrikaans ’n “kanniedood”. Sy deel ook haar geheim vir die voortbestaan van Afrikaans. “Dit help nie om televisies stukkend te skop en protesoptogte te hou nie, want Afrikaans is nie ’n brandsiekskapie wat in ’n kampie beskerm moet word nie,” vertel sy.
Sy beskryf Afrikaans as inklusief. “Dit het soveel tale, kleure en geure. Afrikaans is daar vir almal.”
“Ons taal sal voortleef as ons dié wat dit skep, ondersteun. Die kunstenaars, die entrepreneurs, die skrywers, die digters, die tydskrifte, die boeke, die musiek. Alles wat in Afrikaans geskep word … dit is wat ’n taal laat leef en beef en die kultuur uitdra.”
Dít is volgens haar wat sal help met die voortbestaan van Afrikaans. “Kom ons maak daai kampie oop en laat almal toe om dalk modern, en vir dié wat meer tradisioneel is, hulle manier van die taal te gebruik.”
Bron: Lizz Meiring X
