Video-opname van die ongeluk in berig. Waarskuwing: die video kan sensitiewe lesers ontstel.
KWAZULU-NATAL. – Sibusiso Siyaya is skuldig bevind nadat die vragmotor wat hy op 16 September 2022 bestuur het ‘n bakkie op die N2-hoofweg getref en skoolkinders, sowel as volwassenes, gesterf het.
Natasha Ramkisson-Kara sê Siyaya is Dinsdag skuldig bevind op 20 aanklagte van moord, roekelose en nalatige bestuur, sowel as versuim om die pligte van ‘n bestuurder na ‘n ongeluk uit te voer.
Siyaya het met die vragmotor in die aankomende baan gery en verskeie voertuie verbygesteek, waarna hy die bakkie met skoolkinders getref het. Al die insittendes van die bakkie is oorlede.
Die vonnisoplegging vind vandag plaas.
Nuusflits het voorheen berig die skoolkinders was tussen 5 en 12 jaar oud. Die liggame van die kinders het wyd oor die toneel versprei gelê. Twee volwassenes was onder die oorledenes.
Video-opname: Leandro de Beer
