PHOENIX, KWAZULU-NATAL. – Sowat sewe leerlinge het hand-voet-en-mondsiekte by ’n skool in Phoenix, KZN onder lede. Verskeie leerlinge in graad 1, graad 2 en graad 3 is met die siekte gediagnoseer.
Lees ook: Uitbraak van Duitse masels in SA
Die departement van gesondheid het die skool besoek en sewe gevalle wat tussen 6 en 10 Februarie aangemeld is, bevestig.
Volgens TimesLIVE is nog 12 leerlinge geassesseer en het simptome van die siekte getoon. Ouers is gebel om hulle kinders by die skool te gaan haal. Die departement van gesondheid gaan nog skole in KZN besoek om leerlinge te assesseer.
Die skole gaan nie gesluit word nie. Volgens die departement versprei die siekte deur direkte kontak met die siek persoon of direkte kontak met vloeitstowwe uit die persoon se neus of mond. Die siekte kan ook versprei deur te raak aan items wat deur die siek persoon aangeraak is.
Simptome sluit in ‘n koors, seer keel, moegheid, blase in die mond, op die tong, op die palms van hande of op die onderkant van voete.
Bronne:TimesLIVE, Briefly, IOL
Lees ook: Challenges and opportunities facing farmers in the red meat sector
