LESOTHO. – Die Lesotho-regering het gesê dit is geskok deur Donald Trump se “grap” dat niemand nog ooit van die land gehoor het nie.
Lees ook: Cosatu waarsku Trump se tariewe kan tot meer werkloosheid lei
Trump het ’n toespraak gemaak oor die befondsing vir verkwistende uitgawes wat hy gestop het. Hy het gesê: “Agt miljoen dollar om LGBTQI+ te bevorder in die Afrika-nasie van Lesotho, waarvan niemand nog ooit gehoor het nie”.
Lesotho is een van die grootste begunstigdes van die Amerikaanse Wet op Groei en Geleenthede in Afrika (Agoa) en het in 2024 handel gedryf met goedere ter waarde van sowat $240 miljoen. Die land se hooforganisasie vir LGBTQI+-regte het ook laat blyk dit het nog nooit befondsing van Amerika ontvang nie.
Die Lesotho-regering het gesê hulle sal ‘n amptelike brief van protes na Washington stuur.
Bronne: BBC, IOL, Polity
Lees ook: Cosatu waarsku Trump se tariewe kan tot meer werkloosheid lei
